လစ်လပ်နေသည့် သမ္မတနေရာအတွက် လာမည့် မတ်လ ၂၈ ရက်တွင် ပြည်ထောင်စုလွှတ်တော်၌ ရွေးချယ်ခြင်းပြုလုပ်သွားမည်ဖြစ်ကြောင်း လွှတ်တော်နာယက မန်းဝင်းခိုင်သန်းက ကြေညာလိုက်သည်။
မတ်လ ၂၆ ရက်က ပြုလုပ်သည့် ပြည်ထောင်စုလွှတ်တော် အစည်းအဝေး၌ ယခုကဲ့သို့ ကြေညာခဲ့ခြင်းဖြစ်ပြီး လက်ရှိတွင် ဒုသမ္မတများအဖြစ် ဦးဝင်းမြင့် (ပြည်သူ့လွှတ်တော်)၊ ဦးဟင်နရီဗန်ထီးယူ (အမျိုးသားလွှတ်တော်) နှင့် ဦးမြင့်ဆွေ (တပ်မသားအစုအဖွဲ့) တို့ သုံးဦးအနက်မှ တစ်ဦးကို သမ္မတအဖြစ် ရွေးချယ်မည် ဖြစ်သည်။
ယင်းရွေးချယ်မှုတွင် မဲအများဆုံးရရှိသူမှာ နိုင်ငံတော်အကြီးအကဲ သမ္မတဖြစ်လာမည်ဖြစ်ကာ ဒုတိယမဲအများဆုံးရသူမှာ ဒုသမ္မတ (၁) နှင့် မဲအနည်းဆုံး ရသူမှာ ဒုသမ္မတ (၂) ဖြစ်လာမည် ဖြစ်သည်။
အောက်ချင်းသစ္စာ သတင်းအေဂျင်စီ
