ယုံကြည်မှု လုံးဝမရှိဟု သတ်မှတ်ခံရမှုတွင် မြန်မာနိုင်ငံရဲတပ်ဖွဲ့နှင့် တရားရေးမဏ္ဍိုင်တို့ ထိပ်ဆုံး၌ ရပ်တည်

ရန်ကုန်၊ ဇူလိုင် ၂၈

မြန်မာနိုင်ငံတွင်းရှိ နိုင်ငံတော်သမ္မတ အပါအ၀င် လွှတ်တော်၊ ပါတီ၊ အစိုးရအဖွဲ့အစည်းများအနက် မြန်မာနိုင်ငံရဲတပ်ဖွဲ့နှင့် တရားမဏ္ဍိုင်တို့မှာ ယုံကြည်မှု လုံးဝမရှိသည့်စာရင်းတွင် ထိပ်ဆုံးမှ ပါဝင်လျက်ရှိကြောင်း ယုံကြည်ရသော ရွေးကောက်ပွဲများပေါ်ပေါက်ရေး ပြည်သူများ ပူးပေါင်းလှုပ်ရှားမှုအဖွဲ့ (People Alliance for Credible Elections) အဖွဲ့၏ “ရွေးကောက်ပွဲအပေါ် လူထုသဘောထားအမြင်နှင့် အစိုးရသစ်အပေါ် မျှော်မှန်းချက်များ” အမည်ရ ရွေးကောက်ပွဲအလွန်ကာလ စစ်တမ်းတွင် ဖော်ပြထားသည်။

ဇူလိုင်လ ၂၇ ရက်တွင် ထုတ်ပြန်လိုက်သည့် ယင်းစစ်တမ်းကို ၂၀၁၆ ခုနှစ် မေလအတွင်း တိုင်းနှင့် ပြည်နယ် အသီးသီးရှိ ရပ်ကွက်၊ ကျေးရွာ ၁၈၇ မှ အရွယ်ရောက်ပြီး လူဦးရေ ၁၈၁၄ ဦးအား မေးမြန်းပြုစုထားခြင်းဖြစ်သည်။

စစ်တမ်းကောက်ယူရာတွင် အဖွဲ့အစည်းအမျိုးမျိုးအပေါ် အများပြည်သူ၏ ယုံကြည်မှုအဆင့်ဟူသည့် အချက်ပါဝင်ရာ မြန်မာနိုင်ငံ ရဲတပ်ဖွဲ့အား ဖြေဆိုသူစုစုပေါင်း၏ ၁၇ ရာခိုင်နှုန်းနှင့် တရားရေးမဏ္ဍိုင် အပေါ် ဖြေဆိုသူစုစုပေါင်း၏ ၁၁ ရာခိုင်နှုန်းက ယုံကြည်မှုလုံးဝမရှိကြောင်း ဖြေဆိုထားကြသည်။

လုံးဝမယုံကြည်သူများအဖြစ် ဖြေဆိုသူစုစုပေါင်း၏ ၇ ရာခိုင်နှုန်းက ပြည်သူ့ဝန်ထမ်း၊ ၆ ရာခိုင်နှုန်းက သတင်းမီဒီယာ၊ ၅ ရာခိုင်နှုန်းက နိုင်ငံရေးပါတီများ၊ ၄ ရာခိုင်နှုန်းမှ ပြည်ထောင်စုရွေးကောက်ပွဲ ကော်မရှင်၊ ၃ ရာခိုင်နှုန်းက အရပ်ဘက်လူမှု့အဖွဲ့အစည်းများ၊ ၂ ရာခိုင်နှုန်းက ပြည်ထောင်စု လွှတ်တော်၊ ကုလသမဂ္ဂနှင့် ဘာသာရေးခေါင်းဆောင်များနှင့် တစ်ရာခိုင်နှုန်းကမူ နိုင်ငံတော်သမ္မတ ဟု ဖြေဆိုထားကြသည်။

ယုံကြည်ခံရမှု အမြင့်ဆုံးများတွင် ဘာသာရေးခေါင်းဆောင်များမှာ ၅၀ ရာခိုင်နှုန်း၊ နိုင်ငံတော်သမ္မတမှာ ၄၉ ရာခိုင်နှုန်း၊ အရပ်ဘက်လူမှုအဖွဲ့အစည်းများမှာ ၂၉ ရာခိုင်နှုန်းအထိ ရှိပြီး မြန်မာနိုင်ငံ ရဲတပ်ဖွဲ့မှာ ၁၅ ရာခိုင်နှုန်းနှင့် တရားရေးမဏ္ဍိုင်မှာ ၁၆ ရာခိုင်နှုန်းသာ ရှိကြောင်း ယင်းစစ်တမ်းပါအချက်များအရ သိရသည်။

အဖွဲ့အစည်းအမျိုးမျိုးအပေါ် ယုံကြည်မှုအဆင့်နှင့်ပတ်သက်၍ “အဖွဲ့အစည်းအမျိုးမျိုးအပေါ် ယုံကြည်မှုအဆင့်ကို PACE မှ မေးမြန်းသည့်အခါတွင် စစ်တမ်းရလဒ်များက ဖော်ပြနေသည်မှာ ဘာသာရေးခေါင်းဆောင်များနှင့် သမ္မတ၏ နောက်တွင် အရပ်ဘက်အဖွဲ့အစည်းများနှင့် ပြည်ထောင်စု အဆင့် လွှတ်တော်တို့ ကပ်လျက်ရှိနေပါသည်။ ပြည်နယ်နှင့် တိုင်းဒေသကြီးများမှ စစ်တမ်းဖြေဆိုသူများ၏ ယုံကြည်မှုအဆင့်ကို နှိုင်းယှဉ်ကြည့်လျှင် တိုင်းဒေသကြီးများမှ ဖြေဆိုသူများက ပြည်နယ်များမှ ဖြေဆိုသူများထက် နိုင်ငံ၏ အဖွဲ့အစည်းအမျိုးမျိုးအပေါ် ယုံကြည်မှု ပိုမိုမြင့်မားပါသည်” စစ်တမ်းတွင် ဖော်ပြထားသည်။

ထို့ပြင် အဆိုပါစစ်တမ်းတွင် ဒီမိုကရေစီနှင့် ရွေးကောက်ပွဲများအပေါ် သဘာထားနှင့် ထင်မြင်ယူဆချက်များ၊ ပြုပြင်ပြောင်းလဲမှုများအတွက် ဦးစားပေးလုပ်ဆောင်ရမည့် ကိစ္စရပ်များအပေါ် ဗဟုသုတနှင့် သဘောထားအမြင်များ၊ နိုင်ငံရေးဆိုင်ရာ အဖွဲ့အစည်းများနှင့် အသစ်ရွေးချယ်ထားသည့် သူများအပေါ် သိမြင်နားလည်မှုနှင့် မျှော်မှန်းချက်များဟူ၍ ကဏ္ဍအလိုက် စစ်တမ်းကောက်ယူထားမှုများကိုလည်း ဖော်ပြထားသည်။

အောက်ချင်းသစ္စာ သတင်းအေဂျင်စီ