ဖွဲ့စည်းပုံများအရ အရပ်ဘက် အုပ်ချုပ်ရေးဘက်တွင် အာဏာအရှိဆုံးဖြစ်သည့် စစ်ကိုင်းတိုင်း နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး ကျော်သန့်နိုင်ကို စစ်ဘက်မူလတာဝန်များ ပြန်လည်ထမ်းဆောင်စေလိုက်ပြီဖြစ်ကြောင်း နိုင်ငံတော်သမ္မတ ဦးဝင်းမြင် လက်မှတ်ဖြင့် မေလ ၂၂ ရက်တွင် ကြေညာချက် ထုတ်ပြန်လိုက်သည်။
ယင်းလစ်လပ်သွားသည့် နယ်/လုံဝန်ကြီးနေရာတွင် ကာကွယ်ရေးဦးစီးချုပ်ရုံး (ကြည်း) မှ ဗိုလ်မှူးကြီး သန်းထွန်းအောင်ကို ပြောင်းလဲတာဝန်ပေးအပ်ကြောင်းလည်း ထုတ်ပြန်ချက်တွင် ပါရှိသည်။
ပြည်ထောင်စုနှင့် တိုင်း/ပြည်နယ်အဆင့် နယ်/လုံဝန်ကြီးများကို တပ်မတော်ကာကွယ်ရေးဦးစီးချုပ်က အမည်စာရင်းတင်သွင်းရခြင်းဖြစ်ပြီး ယခု ပြောင်းလဲခန့်ထားမှုသည် NLD အစိုးရလက်ထက် ပထမဆုံးသော စစ်ဘက်ဆိုင်ရာဝန်ကြီး ပြောင်းလဲခန့်ထားမှုလည်း ဖြစ်သည်။
အောက်ချင်းသစ္စာ သတင်းအေဂျင်စီ
