ပြည်သူ့လွှတ်တော်၏ အမြဲတမ်းကော်မတီမဟုတ်သည့် တရားစီရင်ရေးနှင့် ဥပဒေရေးရာကော်မတီနှင့် ရင်းနှီးမြှုပ်နှံမှုနှင့် စက်မှုလက်မှုဖွံ့ဖြိုးတိုးတက်ရေးကော်မတီနှစ်ရပ်မှ ဥက္ကဋ္ဌနှင့် အတွင်းရေးမှူးနေရာများအား မေလ ၁၅ ရက်က ရာထူးနေရာ ပြောင်းလဲ ခန့်အပ်လိုက်ပြီ ဖြစ်သည်။
အမြဲတမ်း ကော်မတီမဟုတ်သည့် တရားစီရင်ရေးနှင့် ဥပဒေရေးရာကော်မတီ ဥက္ကဋ္ဌ ဦးခင်မောင်ဝင်းအား အမြဲတမ်းကော်မတီဖြစ်သည့် ဥပဒေကြမ်းကော်မတီ ဥက္ကဋ္ဌအဖြစ် လည်းကောင်း၊ ယင်းကော်မတီ၏ လစ်လပ်ဥက္ကဋ္ဌနေရာအတွက် ကော်မတီအတွင်းရေးမှူးဖြစ်သူ ဦးအောင်တင်လင်းအား ပြောင်းလဲတာဝန်ပေးလိုက်ပြီ ဖြစ်သည်။
တရားစီရင်ရေးနှင့် ဥပဒေရေးရာကော်မတီ အတွင်းရေးမှူးနေရာအတွက်ကိုမူ ယခင်အဖွဲ့ဝင်ဖြစ်သူ ဦးလှသန်းကို ပြောင်းလဲခန့်အပ် တာဝန်ပေးလိုက်ပြီး ရင်းနှီးမြှုပ်နှံမှုနှင့် စက်မှုလက်မှု ဖွံ့ဖြိုးတိုးတက်ရေးကော်မတီမှ အဖွဲ့ဝင်ဖြစ်သူ ဦးအောင်ကျော်ကျော်ဦးကို ကော်မတီ၏ အတွင်းရေးမှူးအဖြစ်လည်း ပြောင်းလဲတာဝန်ပေးအပ်လိုက်ပြီ ဖြစ်သည်။
အောက်ချင်းသစ္စာ သတင်းအေဂျင်စီ
