နိုင်ငံပိုင်သတင်းစာများကို ကျသင့်တန်ဖိုးထက် လျှော့ရောင်းနေသော်လည်း အရှုံးခံ၍ လုပ်ဆောင်နေခြင်း မဟုတ်ကြောင်း ပြန်ကြားရေး ဒုတိယ၀န်ကြီး ဦးအောင်လှထွန်းက ယနေ့ ပြောဆိုလိုက်သည်။
မတ်လ ၂၉ ရက်က ပြည်သူ့လွှတ်တော် အစည်းအဝေး၌ တွံ့တေးမဲဆန္ဒနယ်မှ ဦးမြင့်လွင်၏ “ပုဂ္ဂလိက သတင်းစာများ အားကောင်းမောင်းသန် ရှင်သန်ရပ်တည်သွားနိုင်ရေးအတွက် လိုအပ်သည့် ကူညီပံ့ပိုးသည့် အစီအမံများ ပြည်ထောင်စုအစိုးရတွင် ရှိ-မရှိ နှင့် ရှိသည်ဆိုပါက ယင်းအစီအမံများ အကြောင်း အသေးစိတ်ကို သိရှိလိုကြောင်း” မေးခွန်းနှင့် ဆက်စပ်၍ ထည့်သွင်း ပြောဆိုခဲ့ခြင်း ဖြစ်သည်။
“နိုင်ငံပိုင်သတင်းစာများသည် နိုင်ငံတော်၏ဘဏ္ဍာငွေကို အသုံးပြု၍ လည်ပတ်ရသော နိုင်ငံပိုင် စီးပွားရေးလုပ်ငန်း ဖြစ်တဲ့အတွက် အရှုံးဖြင့် ရပ်တည်၍ မရနိုင်ပါ။ စီးပွားရေးအားဖြင့် အရှုံးနှင့် ရင်ဆိုင်ရနိုင်ခြေ ရှိပါကလည်း အကျိုးတူပူးပေါင်းဆောင်ရွက်ခြင်း စတဲ့ နည်းလမ်းများကို ရှာဖွေဆောင်ရွက်ရတာ ဖြစ်ပါတယ်။ နိုင်ငံပိုင် သတင်းစာများအနေဖြင့် အရှုံးလည်း မရှိစေရ ကန့်သတ်ချက်များဖြင့် အမြတ်အစွန်းများစွာ ရရှိရေး ကိုလည်း ဦးတည်၍ မရဘဲ ပြည်သူများ ဈေးနှုန်းချိုသာစွာဖြင့် သတင်းစာ ၀ယ်ယူ ဖတ်ရှုခွင့်ရရှိရေးအတွက် ဦးတည်ကာ သတင်းစာတန်ဖိုးကို ကြော်ငြာဝင်ငွေဖြင့် ခုနှိုင်ပြီး သတင်းစာ အမှန်တကယ် ကျသင့်သည့် တန်ဖိုးထက် လျှော့ချပြီး ရောင်းချနေရခြင်း ဖြစ်ပါတယ်” ဟု ပြန်ကြားရေး ဒုဝန်ကြီး ဦးအောင်လှထွန်းက ဖြေကြား ပြောဆိုလိုက်သည်။
လက်ရှိတွင် အစိုးရ ၀န်ကြီးဌာန အသီးသီးက ထုတ်ဝေလျက်ရှိသည့် သတင်းစာ ခုနစ်စောင်ရှိပြီး ၎င်းတို့မှာ မန္တလေးနေ့စဉ်၊ မြ၀တီရောင်စုံ၊ ရတနာပုံ၊ မြို့တော်၊ မြန်မာ့အလင်း၊ ကြေးမုံနှင့် အင်္ဂလိပ်ဘာသာဖြင့် ထုတ်ဝေသည့် The Global New Light of Myanmar သတင်းစာတို့ ဖြစ်သည်။
ထို့ပြင် ပုဂ္ဂလိကသတင်းစာလုပ်ငန်းများ ရပ်တည်ရန် ခက်ခဲရခြင်းမှာ သတင်းစာ ရောင်းချရမှုနှင့် ကြော်ငြာ ၀င်ငွေကျဆင်းလာခြင်းကြောင့် ဖြစ်ကြောင်းနှင့် အစိုးရပိုင် သတင်းစာများမှာ ပုဂ္ဂလိကသတင်းစာများကို ပြိုင်ဆိုင်ခြင်းမရှိကြောင်းလည်း ထည်သွင်းပြောဆိုခဲ့သေးသည်။
“နိုင်ငံပိုင်သတင်းစာများကို အစိုးရရဲ့ ဆောင်ရွက်ချက်များအား ပြည်သူများ သိရှိစေရန်၊ ပြည်သူများရဲ့ လိုအပ်ချက်များကို နိုင်ငံတော်အစိုးရနှင့် သက်ဆိုင်ရာကဏ္ဍအသီးသီးမှ တာဝန်ရှိပုဂ္ဂိုလ်များ သိရှိစေရန်၊ ပြင်ပ မီဒီယာများက စိတ်ဝင်စားမှု နည်းပါးပြီး လူနည်းစု တိုင်းရင်းသားများအကြောင်းနှင့် အခြား ပြည်သူများ သိသင့် သိထိုက်သည်များကို သိရှိစေရန် စသည့် ရည်ရွယ်ချက်များဖြင့်သာ ထုတ်လုပ်ဖြန့်ချိလျက် ရှိပါတယ်။ ပြင်ပ ပုဂ္ဂလိကသတင်းစာများနှင့် ပြိုင်ဆိုင်ခြင်းမပြုဘဲ သီးခြားပုံစံတစ်မျိုးဖြင့်သာ ရပ်တည်လျက် ပုဂ္ဂလိကသတင်းစာ များ ရှင်သန်ရပ်တည်ရေးအတွက် လမ်းဖွင့်ပေးလျက်ရှိပါကြောင်း ဖြေကြားအပ်ပါတယ်” ဟု ပြန်ကြားရေး ဒုဝန်ကြီး ဦးအောင်လှထွန်းက ပြောသည်။
ပြည်သူ့ဘဏ္ဍာငွေဖြင့် ထုတ်ဝေသည့် နိုင်ငံပိုင်သတင်းစာ ရောင်းချရမှုမှာ အမြတ်ငွေပေါင်း ကျပ်သန်း ၅၀၀၀ အထိရှိခဲ့ကြောင်း ၂၀၁၄ ခုနှစ် မတ်လ ၁၉ ရက်တွင် ပြန်ကြားရေး ဒုတိယ၀န်ကြီးဖြစ်ခဲ့သူ ဦးပိုက်ထွေးက ပြည်ထောင်စုလွှတ်တော်၌ သက်ဆိုင်ရာဝန်ကြီးဌာနအလိုက် ရသုံးငွေစာရင်း ရှင်းလင်းတင်ပြစဉ် ထည့်သွင်း ပြောဆိုဖူးသည်။
ပြန်ကြားရေးဝန်ကြီးဌာနလက်အောက်ရှိ သတင်းနှင့် စာနယ်ဇင်းလုပ်ငန်းအနေဖြင့် ၂၀၁၃-၂၀၁၄ ဘဏ္ဍာနှစ် ၁၁ လအတွင်း စုစုပေါင်း ကျပ်သန်း ၁၇၀၀၀ ကျော် ၀င်ငွေရှိပြီး ကျပ်သန်း ၁၂၀၀၀ ကျော်ကို ပြန်လည် သုံးစွဲခဲ့သည်ဟု ဖော်ထုတ်ပြောကြားခဲ့ခြင်း ဖြစ်သည်။
အောက်ချင်းသစ္စာ သတင်းအေဂျင်စီ
